दोधारा चाँदनी, साउन १७ गतेदेखि सन्सारी माइ मध्यवर्ती सामुदायिक समितिको आयोजनामा सुरु भएको फुटबल प्रतियोगिता आज लक्ष्मी माध्यमिक विद्यालयको प्राङ्गणमा सम्पन्न भयो।
बुधवार भएको फाइनल खेलमा जय गुरुदेवले एपीएफ अत्तरियालाई ३–२ गोल अन्तरले पराजित गर्दै उपाधि जित्यो। खेलमा जय गुरुदेवले निर्धारित समयमै ३ गोल गर्न सफल भएको थियो भने एपीएफ अत्तरियाले २ गोल फर्काएको थियो।
प्रतियोगितामा १० टिम सहभागी थिए। विजेता जय गुरुदेवले ट्रफीसहित नगद ६१ हजार रुपैयाँ प्राप्त गर्यो। उपविजेता एपीएफ अत्तरियाले ट्रफीसहित नगद ३१ हजार रुपैयाँमा चित्त बुझायो।
फाइनल खेलमा स्थानीय दर्शकहरूको बाक्लो उपस्थिति थियो। खेलप्रेमीको उत्साहपूर्ण सहभागिताका बीच सम्पन्न प्रतियोगिता सफलतापूर्वक सम्पन्न गराएकोमा आयोजक समितिका अध्यक्ष राम बहादुर थापा मगरले सबैलाई धन्यवाद ज्ञापन गरे।
प्रतिक्रिया
सम्बन्धित खवर
