जुम्ला। स्व. दीपबहादुर स्मृति प्रतिष्ठान जुम्लाले पत्रकार कर्णबहादुर भण्डारीलाई ‘स्व. दीपबहादुर स्मृति क्रियाशील पत्रकारिता पुरस्कार–२०८३’ प्रदान गरेको छ ।
प्रतिष्ठानका संस्थापक तथा अध्यक्ष शुभाकर विश्वकर्माका अनुसार जुम्लालाई कार्यक्षेत्र बनाएर करिब १८ वर्षदेखि पत्रकारितामा सक्रिय भण्डारीलाई नगद १० हजार रुपैयाँसहित सम्मान गरिएको हो ।
६६ वर्षको उमेरमा पनि पत्रकारितामा सक्रिय भण्डारीले जुम्लाको आर्थिक, सामाजिक, सांस्कृतिक तथा समसामयिक विषयमा निरन्तर कलम चलाउँदै आएका छन । उनको पत्रकारिताप्रतिको सक्रियता र योगदानको कदर गर्दै पुरस्कार प्रदान गरिएको प्रतिष्ठानले जनाएको छ ।
कर्णाली क्षेत्रमा रहेर निष्पक्ष र व्यावसायिक पत्रकारिता गर्ने पत्रकारलाई प्रोत्साहन गर्ने उद्देश्यले स्थापना गरिएको यो पुरस्कार पाँचौँ संस्करण हो। यसअघि चार जना पत्रकारले उक्त पुरस्कार प्राप्त गरिसकेका छन ।
जुम्लाको विकास, सुशासन र पारदर्शिताका क्षेत्रमा पत्रकारितामार्फत योगदान पुर्याउने व्यक्तित्वलाई सम्मान गर्ने उद्देश्यले प्रतिष्ठानले उक्त पुरस्कार प्रदान गर्दै आएको जनाएको छ ।
प्रतिक्रिया
सम्बन्धित खवर
