काठमाडौं, साउन ८ – महिला सेवाग्राहीलाई दुर्व्यवहार गरेको आरोपमा एक जना पठाओ चालकलाई प्रहरीले पक्राउ गरेको छ ।
पक्राउ पर्नेमा ललितपुर महानगरपालिका-१४ थसिखेलमा बस्दै आएका सिराहा मिर्चैया नगरपालिका-५ घर भएका ३४ वर्षीय प्रविन कुमार साह रहेका छन ।
जिल्ला प्रहरी परिसर ललितपुरका अनुसार महिला सेवाग्राहीले पठाओमार्फत सेवा लिने क्रममा चालक साहले सार्वजनिक स्थानमा अश्लील तथा अपशब्द प्रयोग गर्दै दुर्व्यवहार गरेका थिए साथै, सेवाग्राहीको मोबाइल नम्बरमा पटक-पटक फोन र अश्लील सन्देश पठाएर समेत हैरानी दिएको भन्दै पीडितले उजुरी दिएकी थिइन ।
उक्त उजुरीका आधारमा प्रहरीले साहलाई पक्राउ गरी आवश्यक अनुसन्धान अघि बढाएको जनाएको छ ।
प्रतिक्रिया
सम्बन्धित खवर
