नेपालगञ्ज, बाँके, असार ३१। जिल्ला प्रहरी कार्यालय बाँकेले नेपालगञ्ज उपमहानगरपालिका-१५ स्थित जमुनाह क्षेत्रबाट भन्सार छली गरी नेपाल भित्र्याइएका विभिन्न मोबाइलका पार्टपुर्जा तथा सामग्री बरामद गरेको छ ।
जिल्ला प्रहरी कार्यालय बाँकेको प्रेस विज्ञप्तिअनुसार मोबाइलको डिस्प्ले, मोबाइल ब्याट्री, सोल्डिङ वायर, टुबानीमा प्रयोग हुने सामग्री तथा मानिस र सवारीसाधनसहित अन्दाजी रु. १ लाख ७६ हजार ८ सय ४० बराबरका सामान बरामद गरिएको हो ।
बरामद गरिएका सामग्रीलाई आवश्यक कानुनी कारबाहीका लागि भन्सार कार्यालय, नेपालगञ्ज पठाइएको जिल्ला प्रहरी कार्यालय बाँकेले जनाएको छ ।
प्रहरीले सीमावर्ती क्षेत्रमा हुने भन्सार छली तथा अवैध सामान ओसारपसार नियन्त्रणका लागि निगरानी र कारबाहीलाई निरन्तरता दिएको जनाएको छ ।
प्रतिक्रिया
सम्बन्धित खवर
