महेन्द्रनगर । बेलौरी नगरपालिकास्थित पचुइ प्रहरी चौकीका इन्चार्ज असई धीरबहादुर चन्दलाई लछारपछार गर्दैै कुटपिट गरिएको भिडियो सामाजिक सञ्जामाल भाइरल भएको छ ।
केही दिन अघि प्रहरी चौकी अगाडि चन्दमाथि स्थानीयको समूहलेले हातपात र कुटपिट गरेको भिडियोमा देखिएको छ । असई चन्दलाई लछारपछार गर्दै कुटपिट गरी फलामको खम्बा बाँध्ने प्रयास समेत गरि रहेको भिडियोमा देखिएको छ ।
भारतीय सीमावर्ती सहरबाट मलखाद बोकेर ल्याएकी स्थानीय महिलासित विवादपछि स्थानीय असई चन्दमाथि हातपात र कुटपिट गरेका छन् ।
असईमाथि कुटपिटपछि इलाका प्रहरी कार्यालय बेलौरीका इन्चार्ज नेतृत्वको टोली पहुँच आएको थियो । प्रहरी टोलीले असई र कुटपिटमा संलग्न स्थानीयबीच छलफल गरेको बताइएको छ ।
जिल्ला प्रहरी कार्यालय कञ्चनपुरका प्रवक्ता तथा डिएसपी सागर बोहराले कुटपिटमा संलग्न विरुद्ध कानुनी कारबाही गरिएको बताए ।
उनले घटनाको थप अनुसन्धानका लागि प्रहरी निरीक्षकको टोली पठाइएको पनि बताए। ‘मलको विषयमा विवाद भएको जानकारी आएको छ, थप अनुसन्धान भइरहेको छ,’ उनले भने ।
प्रतिक्रिया
सम्बन्धित खवर
