संवेग न्यूज
ट्रेण्डिङ

काठमाडौं, असार १६ – राष्ट्रिय प्रहरी प्रशिक्षण प्रतिष्ठान, महाराजगञ्जमा सञ्चालित प्रहरी अधिकृत (प्राविधिक) आधारभुत तालिम (३४औँ समुह) को दीक्षान्त समारोह मंगलबार सम्पन्न भएको छ ।

प्रतिष्ठानका कार्यकारी निर्देशक शिद्धी बिक्रम शाहको प्रमुख आतिथ्यतामा आयोजित समारोहमा तालिममा उत्कृष्ट प्रदर्शन गर्ने प्रशिक्षार्थीहरूलाई पुरस्कार तथा प्रमाणपत्र प्रदान गरिएको थियो । साथै तालिमका गतिविधि समेटिएको ‘सङ्कल्प’ पुस्तकको पनि विमोचन गरिएको छ ।

तालिममा प्राविधिक प्रहरी सहायक निरीक्षक अनोज भण्डारी सर्वप्रथम घोषित भए । प्राविधिक प्रहरी निरीक्षक डा. राज कुमार श्रेष्ठ सर्वद्वितीय तथा प्रहरी कारबाही एवं युक्तिमा प्रथम भए भने प्राविधिक प्रहरी सहायक निरीक्षक बसन्त समाल मगर सर्वतृतीय तथा कवाजतर्फ प्रथम घोषित भए । त्यसैगरी अध्ययनतर्फ प्राविधिक प्रहरी निरीक्षक डा. ज्योति शर्मा, शारीरिक व्यायामतर्फ प्राविधिक प्रहरी नायव निरीक्षक डम्बर सार्की र चाँदमारीतर्फ प्राविधिक प्रहरी सहायक निरीक्षक सन्तोष चन्द प्रथम भएका छन ।

समारोहलाई सम्बोधन गर्दै प्रहरी अतिरिक्त महानिरीक्षक शाहले तालिम सफलतापूर्वक पुरा गरेका प्रशिक्षार्थीहरूलाई बधाई दिँदै आर्जित ज्ञान, सीप र अनुभवलाई कार्यक्षेत्रमा प्रभावकारी रूपमा प्रयोग गरी उच्च व्यावसायिकता, अनुशासन र सेवाभावका साथ जिम्मेवारी निर्वाह गर्न आग्रह गर्नुभयो । उहाँले प्राविधिक समुहले अपराध अनुसन्धान, विपद् व्यवस्थापन, ट्राफिक व्यवस्थापन तथा अन्य प्रहरी सेवामा महत्त्वपुर्ण योगदान पुर्‍याउँदै आएको उल्लेख गर्नुभयो ।

कार्यक्रममा प्रतिष्ठानका निर्देशक दिनेश कुमार आचार्यले प्रशिक्षार्थीहरूलाई सपथ ग्रहण गराउनुभएको थियो । तालिम संयोजक प्रहरी उपरीक्षक अनुपम श्रेष्ठका अनुसार गत माघ २१ गतेदेखि सञ्चालन भएको १०० दिने तालिममा प्राविधिक प्रहरी निरीक्षक २४, प्राविधिक प्रहरी नायव निरीक्षक ११ र प्राविधिक प्रहरी सहायक निरीक्षक २८ गरी कुल ६३ जना प्रशिक्षार्थीले सफलतापूर्वक तालिम पुरा गरेका छन ।

समारोहमा प्रहरी नायव महानिरीक्षकहरू, वरिष्ठ प्रहरी अधिकृत, प्रशिक्षार्थीका अभिभावक तथा अन्य आमन्त्रित व्यक्तिहरूको उपस्थिति रहेको थियो ।

प्रतिक्रिया
सम्बन्धित खवर
ताजा समाचार
लोकप्रिय
ETC Media news@sambegnews.com +977 9858036370 ETC Media news@sambegnews.com +977 9858036370
logo ई. टि. सि. मिडिया प्रा. लि. द्वारा संचालित
सूचना विभाग दर्ता नं.: ३०३५-२०७८/०७९ प्रेश काउन्सिल दर्ता नं.: २७०-२०७८/०७९

हाम्रो टिम

पु
पुष्प राज हमाल
संस्थापक तथा सञ्चालक
दि
दिपेन्द्र चौधरी
सम्पादक
मि
मिना कुमारी शाही
समाचार संयोजक
रा
राधिका तिवारी
संवाददाता
उ
उदय राज हमाल
फोटो पत्रकार
अ
update
संवाददाता
AD
ETC MEDIA Khabar Media Pvt. Ltd. मोबाइल: +977 9858036370 इमेल: newssambeg@gmail.com
Copyright © 2026 Sambeg News Media Pvt. Ltd. All Rights Reserved.  |  Design and Developed by: Imagine Infotech