बाँके, नेपालगञ्ज – प्रतिनिधिसभा निर्वाचनको माहोल तातिँदै जाँदा बाँके क्षेत्र नम्बर १ मा नेपाली कम्युनिष्ट पार्टी का तर्फबाट उम्मेदवार बनेका नरेन्द्र पाण्डे ‘जेम्स’ प्रति जनताको आकर्षण बढ्दो देखिएको छ ।
स्थानीय युवादेखि बृद्धसम्मका मतदाताहरूको भनाइ छ , “यसपालि हामीलाई भाषण होइन, भिजन चाहिएको हो।” यही सन्दर्भमा धेरैले नरेन्द्र पाण्डे ‘जेम्स’लाई समयअनुसार सोच्न सक्ने, परिवर्तनको आवश्यकता बुझ्ने र बाँकेकै धरातलमा रहेर यहाँको समस्या नजिकबाट बुझेका उम्मेदवारका रूपमा हेरेका छन् ।
युवा मतदाताहरू भन्छन्, “हामीलाई हाम्रो भाषा बोल्ने, हाम्रो सपना बुझ्ने र हाम्रो भविष्यका लागि स्पष्ट योजना भएको नेतृत्व चाहिएको छ ।” उनीहरूका अनुसार जेम्सले रोजगारी, शिक्षा, कृषि आधुनिकीकरण, साना उद्योग प्रवर्द्धन तथा बाँकेको समग्र पूर्वाधार विकासलाई प्राथमिक एजेण्डा बनाएका छन् ।
स्थानीय बासिन्दाहरूको धारणा छ कि बाँकेका वास्तविक आवश्यकता—सिँचाइ, स्वास्थ्य सेवा विस्तार, सडक स्तरोन्नति र युवालाई स्वदेशमै अवसर सिर्जना—जस्ता मुद्दालाई स्पष्ट रूपमा उठाउने उम्मेदवारको रूपमा जेम्स देखिएका छन् ।
राजनीतिक विश्लेषकहरूका अनुसार, “बाँके १ मा यसपटक मतदाताको मूड विकास र परिणाममुखी नेतृत्वतर्फ झुकेको देखिन्छ।” यही कारणले पनि जनस्तरमा नरेन्द्र पाण्डे ‘जेम्स’ प्रति समर्थनको लहर देखिन थालेको बताइन्छ ।
निर्वाचन नजिकिँदै गर्दा बाँके १ का मतदाताहरूबीच एउटा प्रश्न बारम्बार उठिरहेको छ— ‘अबको नेतृत्व कस्तो ?’ धेरैको जवाफ एउटै सुनिन्छ— “समयअनुसार चल्ने, जनताको भावना बुझ्ने र बाँकेको भविष्य बोकेर हिँड्ने नेता ।”