काठमाडौं, पुस १३ — राष्ट्रिय स्वतन्त्र पार्टी (रास्वपा) का सभापति रवि लामिछाने र काठमाडौँ महानगरपालिकाका मेयर बालेन्द्र शाह (‘बालेन’) बीच आज बिहान बृहत् एकता सम्बन्धी ७ बुँदे सहमति पत्रमा हस्ताक्षर भएको छ। यसले आगामी प्रतिनिधि सभा निर्वाचनको राजनीतिक स्वरूपमा ठूलो प्रभाव पार्ने अपेक्षा गरिएको छ।
सम्झौतापत्रमा हस्ताक्षर कार्यक्रममा दुवैले सहकार्यका विषयमा आफ्नो औपचारिक सहमति व्यक्त गरे। सहमतिअनुसार पार्टीको नाम ‘राष्ट्रिय स्वतन्त्र पार्टी’ नै रहनेछ, चुनाव चिन्ह ‘घण्टी’ कायम रहनेछ र पार्टीको नेतृत्व संरचना परिमार्जन गरिएको छ।
सबैभन्दा महत्वपुर्ण बुँदाहरु यसप्रकार छन्:
- रास्वपा सभापति रवि लामिछाने पार्टीको केन्द्रीय सभापति नै रहनेछन्।
- **आगामी प्रतिनिधि सभा निर्वाचनपछि संसदीय दलको नेता तथा रास्वपाको तर्फबाट ‘भावी प्रधानमन्त्री’ को उम्मेदवारका रूपमा बालेन्द्र शाहलाई अघि सार्ने सहमति भएको छ।
- सहमतिमा नवयुवाहरुले भ्रष्टाचार र कुशासनविरुद्धको आन्दोलनलाई अपनाउने र सहिद तथा घाइते परिवारका मागहरुलाई सम्बोधन गर्ने प्रतिबद्धता समावेश गरिएको छ।
सम्झौताले वैकल्पिक राजनीतिक शक्तिहरूलाई एकीकृत गर्ने र परम्परागत पार्टीहरूप्रति चुनौती दिने संकेत गरेको विज्ञहरुले विश्लेषण गरेका छन्। यसले आगामी फागुन २१ को प्रतिनिधि सभा निर्वाचनमा नयाँ राजनीतिक समीकरण निर्माण गर्ने अपेक्षा गरिएको छ।
प्रतिक्रिया
सम्बन्धित खवर
