बाँके, नेपालगञ्ज – नेपाली कम्युनिष्ट पार्टीबाट बाँके निर्वाचन क्षेत्र नम्बर १ का प्रतिनिधिसभा सदस्य उम्मेदवार नरेन्द्र पाँडे ‘जेम्स’ ले पत्रकार सम्मेलनमार्फत आफ्नो चुनावी प्रतिबद्धता सार्वजनिक गरेका छन् । “हिजो व्यवस्था बदल्न लड्यौं, अबको लडाइँ अवस्था बदल्न” भन्ने नारासहित उनले भ्रष्टाचारमुक्त समाज, सुशासन, विकास र समृद्धिलाई केन्द्रमा राखेर विस्तृत कार्ययोजना प्रस्तुत गरे ।

मुख्य प्रतिबद्धताहरू:

१. सुशासन र राजनीतिक सुधार पूर्ण समानुपातिक निर्वाचन प्रणाली र प्रत्यक्ष निर्वाचित कार्यकारी राष्ट्रपतिको पक्षमा पहल। भ्रष्टाचार नियन्त्रणका लागि कडा कानुनी व्यवस्था र प्रभावकारी कार्यान्वयन ।

शहीद परिवार, घाइते तथा बेपत्ता परिवारलाई विशेष राहत कार्यक्रम ।

२. शिक्षा क्षेत्र

प्रत्येक पालिकामा प्राविधिक शिक्षासहित नमुना विद्यालय स्थापना ।

सामुदायिक विद्यालयलाई प्रविधिमैत्री बनाउने र ई–लाइब्रेरी सञ्चालन ।

उच्च शिक्षाका लागि प्राविधिक तथा व्यावसायिक कार्यक्रम विस्तार ।

३. स्वास्थ्य सेवा

आधारभूत स्वास्थ्य केन्द्रको स्तरोन्नति र २४ सै घण्टा सेवा ।

पालिका अस्पताललाई विशेषज्ञ सेवासहित सुदृढ बनाउने ।

योग तथा प्राकृतिक चिकित्सालाई व्यवस्थित विकास ।

४. कृषि तथा पशुपालन

किसानलाई मल, बीउ, औजार तथा प्रविधिमा सहज पहुँच ।

प्रत्येक पालिकामा कृषि सेवा केन्द्र र पशु भेटेरिनरी सेवा विस्तार ।

उत्पादनमा आधारित अनुदान र कृषि सहकारीमार्फत बजारीकरण । 

५. पूर्वाधार र यातायात

अधुरा सडक निर्माण कार्य पाँच वर्षभित्र सम्पन्न गर्ने ।

ग्रामीण सडक कालोपत्रे तथा अन्तरप्रदेश सडक सञ्जाल विस्तार ।

सिंचाइ आयोजनाको विस्तार र व्यवस्थित सञ्चालन ।

६. उद्योग, व्यापार र रोजगारी

प्रत्येक पालिकामा औद्योगिक ग्राम स्थापना ।

“एक वडा, एक नमुना उत्पादन” नीति लागू ।

युवालाई सीपमूलक तालिममार्फत स्व–रोजगार र उद्यमशीलता प्रवर्द्धन ।

७. पर्यटन र संस्कृति

बाँके–बर्दिया क्षेत्रलाई पर्यटन गन्तव्यका रूपमा विकास ।

धार्मिक तथा सांस्कृतिक स्थलहरूको संरक्षण र पूर्वाधार विकास। स्थानीय कला–संस्कृति प्रवर्द्धनका लागि विशेष कार्यक्रम ।

८. खानेपानी, विद्युत् र सरसफाइ

पाँच वर्षभित्र सबै घरधुरीमा स्वच्छ खानेपानी ।

विद्युत् विस्तार र भोल्टेज सुधार ।

व्यवस्थित फोहोर व्यवस्थापन केन्द्र स्थापना ।

९. सामाजिक सुरक्षा

भूमिहीन र अव्यवस्थित बसोबासीलाई जग्गा व्यवस्थापन ।

विपद् व्यवस्थापनका लागि पूर्वतयारी र जोखिम न्यूनीकरण कार्यक्रम ।

पत्रकार सम्मेलनमा उम्मेदवार पाँडेले जनताको साथ र विश्वासका आधारमा बाँके क्षेत्र नं १ लाई समुन्नत र नमुना क्षेत्र बनाउने प्रतिबद्धता व्यक्त गर्दै आगामी निर्वाचनमा समर्थन गर्न आग्रह गरे ।